გარემოს ეროვნული სააგენტოს ცნობით, 9 დეკემბრამდე დასავლეთ საქართველოში მოსალოდნელია თბილი და უმეტესად უნალექო ამინდი, ზოგან იქროლებს აღმოსავლეთის მიმართულების ძლიერი ქარი.სინოპტიკოსების პროგნოზით, აღმოსავლეთ საქართველოში 6 დეკემბერს უნალექო ამინდი იქნება, ხოლო 7-8 დეკემბერს ღრუბლიანი, ნისლიანი და ნალექიანი ამინდია მოსალოდნელი.„ქ. თბილისში 6 დეკემბერს უნალექო ამინდი იქნება, ხოლო 7-8 დეკემბერს წვიმა და ნისლია მოსალოდნელი. ჰაერის ტემპერატურა დღისით +9, +11 გრადუსი დაფიქსირდება.სანაპირო რაიონებში (ბათუმი, ქობულეთი, ანაკლია, ფოთი): უმეტესად უნალექო ამინდია მოსალოდნელი. ჰაერის ტემპერატურა +18, +20 გრადუსი დაფიქსირდება.დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): უმეტესად უნალექო ამინდია მოსალოდნელი. დროგამოშვებით იქროლებს აღმოსავლეთის მიმართულების ძლიერი ქარი. ჰაერის ტემპერატურა +19, +21 გრადუსი დაფიქსირდება.დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის ფოთი): უმეტესად უნალექო ამინდია მოსალოდნელი. დროგამოშვებით იქროლებს აღმოსავლეთის მიმართულების ძლიერი ქარი. ჰაერის ტემპერატურა დღისით +14, +16 გრადუსი დაფიქსირდება.დასავლეთ საქართველოს მაღალმთიან რაიონებში (მესტია, ბახმარო): უმეტესად უნალექო ამინდია მოსალოდნელი. ჰაერის ტემპერატურა დღისით +8, +10 გრადუსი დაფიქსირდება.ქართლში (რუსთავი, ბოლნისი, მარნეული, გარდაბანი, გორი, ცხინვალი): 6 დეკემბერს უნალექო ამინდი იქნება, ხოლო 7-8 დეკემბერს ზოგან წვიმა და ნისლია მოსალოდნელი. გორი-სურამის გზის მონაკვეთზე იქროლებს აღმოსავლეთის მიმართულების ძლიერი ქარი. ჰაერის ტემპერატურა დღისით +9, +11 გრადუსი დაფიქსირდება.კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 6 დეკემბერს უნალექო ამინდი იქნება, ხოლო 7-8 დეკემბერს წვიმა და ნისლია მოსალოდნელი. ჰაერის ტემპერატურა დღისით +8, +10 გრადუსი დაფიქსირდება.აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): 6 დეკემბერს უნალექო ამინდი იქნება, ხოლო 7-8 დეკემბერს ზოგან წვიმა და ნისლია მოსალოდნელი. ჰაერის ტემპერატურა დღისით +7, +9 გრადუსი დაფიქსირდება.აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): 6 დეკემბერს უნალექო ამინდი იქნება, ხოლო 7-8 დეკემბერს ზოგან თოვლი და ნისლია მოსალოდნელი. ჰაერის ტემპერატურა დღისით +4, +6 გრადუსი დაფიქსირდება“, - აღნიშნულია გარემოს ეროვნული სააგენტოს მიერ გავრცელებულ ინფორმაციაში.

სურსათის ეროვნული სააგენტოს თბილისის დეპარტამენტის ინსპექტორებმა, შპს „ველის“ კუთვნილი ობიექტი (ს/კ 400152866. მისამართი: ბარბარე ერისთავი-ჯორჯაძის N17) შეამოწმეს, რომელიც რძის შემცველი პროდუქტების (ხაჭოსებრი, არაჟნისებრი) წარმოებას და რეალიზაციას, (ძირითადად საცხობებში) სააგენტოს შესაბამისი აღიარების გარეშე ახორციელებდა.სურსათის ეროვნული სააგენტოს ცნობით, ინსპექტირებისას ასევე გამოვლინდა კრიტიკული შეუსაბამობა, კერძოდ, ჰიგიენური ნორმების დარღვევა, რის გამოც ბიზნესოპერატორი დაჯარიმდა და საწარმოო პროცესი შეუჩერდა სააგენტოს აღიარების მიღებამდე და შეუსაბამობების აღმოფხვრამდე.„სურსათის ეროვნული სააგენტო განაგრძობს წარმოებების და სარეალიზაციო ობიექტების კონტროლს.სააგენტო მოუწოდებს მომხმარებელს, დარღვევის აღმოჩენის შემთხვევაში, ინფორმაცია დატოვოს ცხელ ხაზზე 1️5-01. მოსახლეობის აქტიური ჩართულობა სურსათის ეროვნულ სააგენტოს საშუალებას მისცემს, დროულად აღმოფხვრას შეუსაბამობები“, - ნათქვამია სეს-ის ინფორმაციაში.

ავტომობილის შეჯახების შედეგად გაზსადენის დაზიანების გამო, ლილოს დასახლებაში გაზის მიწოდება 5000 აბონენტს შეუწყდა.კერძოდ, „თბილისი ენერჯის“ ცნობით, გაზსადენზე ავტომანქანის შეჯახების გამო, დღეს, 5 დეკემბრის 01:45 საათიდან სამგორის რაიონში გაზმომარაგება ავარიულად შეუწყდა:ლილოს დასახლების I კვ, კორპ. 5, 15, 16, 24, 26, ლილოს დას. II კვ, კორპ. 1ა, 2, 3, 4, 8, 9, 10, 11, 12, ლილო-ნამორაძის ქ. 2, ელენე გოკიელის ქ. 61, ლილოს დას. IV კვ, კორპ. 1, 2, 3, 4, 5, 6, 7, 10, 11, 12, 13, 14, ლილოს დას. V კვ, კორპ. 1, 2, ლილო, სოფ. წინუბანი, კორპ. 4ა, 5, 6, 7, 8, 11, 12, 13, 13ა, 14ა, ლოჭინის დას, კორპ. 1 და 2, ჭირნახულის ქ. 16-ში მდებარე საცხოვრებელი კორპუსის, ლილოს დას. 1-1, 1-2ბ, 1-2ბ-ს მიმდებარედ, 1-3, 1-11, 1-11-ის მიმდებარედ, 1-12, 1-13, 1-14, 1-22-ში (იგივე საქ. სოფ. მანქანის დას.), სადგური ლილო # 1 და # 2 საცხოვრებელი კორპუსების, აეროპორტის დას – რკინიგზის ჩიხის ტერიტორიაზე, სერგო გუჯეჯიანის, გიორგი ნახუცრიშვილის, ელენე გოკიელის ქუჩასა და ჩიხში, არსენ მეკოკიშვილის ქუჩისა და შესახვევის, იუმაშევის, ლილოს დას – ღლონტის, ხილბოსტანვაჭრობის ქ. 1, კამოს, სტურუას, მეფრინველეობის, ფრანგულიანის, ლეონტინმროველის, საქ. სოფ. მანქანის, მეფრინველეობის ფაბრიკის მიმდებარედ, მეფრინველეობის 1, 2, 3 ქუჩებზე (კოტეჯებში) ორახელაშვილის, რუსთაველის ქუჩებზე და მიმდებარედ მცხოვრებ კერძო სექტორის მოსახლეობის ნაწილს, ლილოს დასახლება, საქსოფმანქანის დასახლებაში – ევგენი აფხაზავას ქუჩაზე, ჭირნახულის ქუჩაზე, ლილო, სოფ. წინუბანი – გუდამაყრის, ბეჩოს, იადონის, იალნოს, მერი მდივანის, მშვიდობის, რაჭის, ხევსურეთის, ლოჭინის დასახლებაში.ასევე, აბრამიშვილისა და მიმდებარე ქუჩებზე მცხოვრებ კერძო სექტორის მოსახლეობის ნაწილს, ასევე იუმაშევის ქუჩაზე და მიმდებარედ განთავსებულ მსხვილ და მცირე კომერციულ ობიექტებს – ფიზიკურ პირი ვლადიმერ მაჭავარიანს, შპს ,,თ-5”-ს, შპს ,,კონტაქტს”, ფ/პ ირაკლი ფიოლიას, ფ/პ გოჩა ჯაფარიძეს, , შპს ,,იბეროილს”, სს ,,ლილო-1”-ს, სკოლა # 168-ს, შპს ,,პსპ ფარმა”-ს (ლილოს ტერმინალი), შპს ,,ჯი-ემ-პი”-ს, შპს ,,თდკ”-ს, შპს ,,ფაბრიკა კრაფტს”, შპს ,,იტონგ კავკასუსს”, შპს ,,პოლიტეკსს”, შპს ,,ენარგიტს”, შპს ,,დელტა”-ს, შპს ,,რამ პოლიტექსს”, შპს ,,ბრეაქანოფარმა”-ს, სს ,,ლიბერთი ბანკს”, შპს ,,ჯორჯიან ფეიფერფროდაქშენს”, სს ,,ტერაბანკს”, შპს ,,სქაი ინნ”-ს, შპს ,,ბროკუს ჯე”-ს, შპს ,,ჯი ეს სი”-ს, ფ/პ ეკა ჭელიძეს, შპს ,,გ და პლასტს”, სს ,,მესხეთს”, შპს ,,საქართველოს აეროპორტების გაერთიანება”-ს, ისანი-სამგორის პოლიციის IV განყოფილებას, შპს ,,თბილისის რძის ქარხანა”-ს, ფ.პ. ელენე დარჯანიას– კახაბერ სოლომნია, შპს ,,ისანი-სამგორის კომპლექსური სპორტული ცენტრს”, სკოლა # 107-ს. შპს ,,ვი თი ჯგუფს”, შპს ,,ლორდს”, შპს ,,მარიამი 2018”-ს, შლუმბერჟე რუსთაველი ქომფანილიმითედს (ფილიალი) – საქართველო, სს საქართველოს ნავთობისა და გაზის კორპორაციას, ივეტა დარჩიძეს, შპს ,,პოულტრი ჯორჯია-მეფრინვ. ფაბრ.”-ს, შპს ,,ქართული ხილი და ბოსტნეულს”, შპს ,,ავერსი-რაციონალს”, შპს ,,მეღვინეობა ხარება”-ს, შპს ,,კალვე”-ს, შპს ,,ინთერნეიშენალ ბეიკერ ჰაუსს”, შპს ,,მადლიანი 2020”-ს, შპს ,,ემსიბი ჯორჯია”-ს, სს ,,არგო”-ს, შპს ,,სმილე მიX”-ს, შპს ,,მილენიუმმატერიალს ჯორჯია”-ს, შპს ,,ლილოს სახლს”, შპს ,,ჯეომილ”-ს, შპს ,,ამმა”-ს, შპს ,,როიალ ჯორჯია”-ს, შპს ,,საქართველოს ნავთობისა და გაზის სერვისული კომპანია”-ს, შპს ,,როიალ ჯორჯია”-ს, ი.მ ზ. მსუქნიშვილს, შპს ,,ლილო სითი”-ს, შპს ,,კაპიტალ მენეჯმენტ გრუპს”, ვლ.კახაბრიშვილისმცირე კომერციულ ფართს და აღნიშნულ ტერიტორიაზე განთავსებულ სხვა კომერციულ ობიექტებს.მათივე ცნობით, გაზმომარაგების აღდგენა დაიწყება დღეს დილის 11:00 სთ-დან და დასრულდება 19:00 საათამდე.„ბოდიშს გიხდით შექმნილი დისკომფორტის გამო.გთხოვთ ყურადღებით იყოთ და არ დატოვოთ გაზის ონკანები ღია მდგომარეობაში. თუ იგრძენით გაზის სუნი დარეკეთ მითითებულ ნომრებზე: ცხელი ხაზი: +995 32 2404004 სწრაფი რეაგირების სამსახური 114“,- აღნიშნულია ინფორმაციაში.

გრიპის ვირუსი აქტიურ ფაზაშია - ლაბორატორიულად დადასტურებული შემთხვევების 20% მოდის გრიპის ვირუსზე. შესაძლოა, მიმდინარე წელი გრიპით გამოწვეული ინფიცირების მაჩვენებლის მიხედვით, ბოლო ათწლეულის განმავლობაში ყველაზე მეტად აქტიური გახდეს,- ამის შესახებ იაშვილის სახელობის ბავშვთა ცენტრალური საავადმყოფოს სამედიცინო დირექტორმა, ივანე ჩხაიძემ „ინტერპრესნიუსს“ განუცხადა.როგორც ივანე ჩხაიძემ აღნიშნა, სასურველია მოქალაქეებმა ვაქცინაციის პუნქტებს დროულად მიმართონ, ვინაიდან მოლოდინია, რომ დეკემბრის მეორე ნახევარში გრიპის გავრცელების მაჩვენებელი იმდენად მაღალი იქნება, რომ ძალიან ძნელი გახდება ინფიცირებისგან თავიდან აცილება.„ბოლო სტატისტიკური მონაცემების თანახმად, რასაც დაავადებათა კონტროლის ეროვნული ცენტრი გვაძლევს, მიუთითებს რომ გრიპის ვირუსი აქტიურ ფაზაშია. ბოლო კვირების განმავლობაში, სტაბილურად მატულობს გრიპით გამოწვეული ინფიცირების მაჩვენებელი. თუ გადავხედავთ ციფრებს, შედარებით მსუბუქად მიმდინარეობის შემთხვევაში, ქვეყანაში ლაბორატორიულად დადასტურებული შემთხვევების 20% მოდის გრიპის ვირუსზე, კონკრეტულად ერთ-ერთ ვარიანტზე H3N2-ზე. ანალოგიური მდგომარეობა მძიმედ მიმდინარეობის შემთხვევაში, სტაციონარულ დაწესებულებებში უპირატესი მაჩვენებელი მომდინარეობს A ტიპის გრიპზე.ევროპის პრაქტიკულად ყველა ქვეყანაში, ასევე აშშ-ში, კანადაში, იაპონიაში რაც ხდება, მიუთითებს რომ ეს ვირუსი - H3N2 ტიპის ვირუსი 2025-2026 წლის სეზონზე უფრო ადვილად გადამდები გახდა, რომლის უკან დგას ის მუტაცია, რომელიც განიცადა ამ ვირუსმა 2025 წლის ივნისში. მაშინ 7 სხვადასხვა მუტაცია მოხდა, რამაც გამოიწვია ვირუსის მარტივი გადამდებოდა. ბევრ ქვეყანაში ფიქსირდება გრიპის ვირუსის ნაადრევი მატება, ასეა საქართველოშიც. წინა წლის სტატისტიკასთან შედარებით, 4 კვირით ადრე დაიწყო გრიპის ვირუსის მატება. მიმდინარე წელი ამ მხრივ გამორჩეულია. მოლოდინია, რომ მიმდინარე წელი გრიპით გამოწვეული ინფიცირების მაჩვენებლის მიხედვით, ბოლო ათწლეულის განმავლობაში ყველაზე მეტად აქტიური გახდება. საბედნიეროდ, დამადასტურებელი კვლევა, რომ ეს ვირუსი უფრო მძიმე დაავადებას განაპირობებს, არ არის",- აღნიშნა ჩხაიძემ.როგორც ჩხაიძემ განმარტა, გრიპის ვირუსისთვის დამახასიათებელია: მაღალი ტემპერატურა, ყელის, თავის ტკივილი, კუნთებისა და სახსრების ტკივილი, საერთო ძლიერი სისუსტე, უმადობა.„ეს არის კლასიკური A ტიპის გრიპი ვირუსი. მისთვის დამახასიათებელია: მაღალი ტემპერატურა, ყელის, თავის ტკივილი, კუნთებისა და სახსრების ტკივილი, საერთო ძლიერი სისუსტე, უმადობა.მიუხედავად იმისა, რომ გრიპის ვირუსი მატულობს, ჯერ პიკისთვის არ მიუღწევია მაჩვენებელს. მოლოდინი გვაქვს, რომ გრიპის გავრცელების მაჩვენებლის პიკი უფრო ადრე იქნება, ვიდრე გასულ წელს, სავარაუდოდ, დეკემბრის ან იანვრის ბოლოს იქნება პიკი. ვისაც არ ჩაუტარებია გრიპის ვაქცინაცია, დროულად მიმართოს ვაქცინაციის ცენტრს, დეკემბრის მეორე ნახევარში, ვაქცინაცია უეფექტო იქნება. ამ პერიოდში იმდენი გვექნება გრიპის შემთხვევა, რომ ძალიან ძნელი გახდება ინფიცირების თავიდან აცილება.ინფიცირებულთან კონტაქტიდან 1-4 დღე ვლინდება დაავადება, გაურთულებელი მიმდინარეობისას 7-10 დღეში ალაგდება ეს ყველაფერი. ექიმის მიმართვა დამოკიდებულია მიეკუთვნება თუ არა ადამიანი რისკის ჯგუფს. რისკის ჯგუფში ვინც არის, პირველივე დღიდან უნდა მიმართოს ექიმს“,- აღნიშნა ჩხაიძემ.

დაგეგმილი საახალწლო ღონისძიებები, 27 დღის განმავლობაში, პირველი რესპუბლიკის მოედანზე გაიმართება, - განაცხადა თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე.„12 დეკემბრიდან 7 იანვრის ჩათვლით, თბილისის მერია მრავალფეროვან, გასართობ და სანახაობრივ ღონისძიებებს გეგმავს. თემატურად მოწყობილი საახალწლო სივრცეები ტრადიციულად დატვირთული იქნება კულტურული, საგანმანათლებლო, საბავშვო, სხვადასხვა თემატური აქტივობებითა და განსხვავებული ჟანრის კონცერტებით“, - განაცხადა კახა კალაძემ.მისივე თქმით, ცენტრალური ნაძვის ხეც 12 დეკემბერს აინთება.„12 დეკემბერს ცენტრალური ნაძვის ხის ანთების პარალელურად, მთელი ქალაქის მასშტაბით აინთება საახალწლო ილუმინაციები, სპეციალურად დღესასწაულისთვის მორთული პირველი რესპუბლიკის მოედანი კი სწორედ 12 დეკემბრიდან უმასპინძლებს თბილისელებს და თბილისის სტუმრებს. კიდევ ერთხელ მინდა, მოვუწოდო კერძო კომპანიებისა და ბიზნესსექტორის წარმომადგენლებს, რომ ტრადიციულად ერთად ვიზრუნოთ ჩვენი ქალაქის საახალწლო იერსახის შექმნაზე, როგორც „საახალწლო სოფელში“, ისე ქალაქის მასშტაბით არსებულ სკვერებსა და პარკებში“, - აღნიშნა კახა კალაძემ.

მიმდინარე პროცესების გათვალისწინებით, ვფიქრობ, ყველაზე მეტად რაც გაგვაძლიერებს, რაც მთავარი მამოძრავებელი ძალაა ყველა კარგი საქმის კეთების დროს - ეს არის სიკეთე, - განაცხადა დედაქალაქის მერმა თბილისის მუნიციპალიტეტის მთავრობის სხდომაზე.კახა კალაძის თქმით, წლევანდელი საახალწლო სლოგანი იქნება „სიკეთით სავსე ქალაქი“.„ახალი წლის ღონისძიებებთან ერთად, ჩვენ ყოველწლიურად გვაქვს საახალწლო სლოგანიც, რომელიც ძირითადად უკავშირდება წლის მიხედვით მიღწეულ შედეგებს, წარმატებებსა და იმ სულისკვეთებას, რომელიც ჩვენი ქალაქის მიმართ გვამოძრავებს. ბოლო წლების განმავლობაში, გვქონდა ბევრი წარმატება, გამარჯვება, თუმცა გვქონდა გარდამტეხი მომენტებიც, რომლებმაც ჩვენი საზოგადოება სხვადასხვა მხარეს აღმოაჩინა; გვაკლდა ერთმანეთის, სამშობლოს მიმართ სიყვარული, ურთიერთპატივისცემა და სხვისი პოზიციის მიმღებლობა; დავდექით მშვიდობის დაკარგვისა და ომის დაწყების ზღვარზე; მოვიპოვეთ საერთაშორისო წარმატება და პირველად ჩვენი ქვეყნის ისტორიაში, ჩვენი საფეხბურთო ნაკრების დამსახურებით, ევროპაში ხმამაღლა დავაფიქსირეთ, რომ ჩვენ ვართ საქართველო!“, - განაცხადა კახა კალაძემ.მისივე თქმით, საახალწლო სლოგანები ძირითადად უკავშირდება წლის მიხედვით მიღწეულ შედეგებს, წარმატებებსა და იმ სულისკვეთებას, რომელიც საზოგადოებას ქალაქის მიმართ ამოძრავებს.„მსოფლიოში და ჩვენს ქვეყანაში მიმდინარე პროცესების გათვალისწინებით, ვფიქრობ, ყველაზე მეტად რაც გაგვაძლიერებს, რაც მთავარი მამოძრავებელი ძალა და მოტივატორია ყველა კარგი საქმის კეთების დროს - ეს არის სიკეთე. ვფიქრობ, უფრო მეტი სიკეთე გვმართებს ერთმანეთის, ჩვენი ქალაქის, გაჭირვებაში მყოფი ადამიანების, განსხვავებული პოლიტიკური აზრის მქონე მოქალაქეების მიმართ; უნდა შევძლოთ და კეთილი ზრახვით, არა ბოღმითა და შურით ვაშენოთ ჩვენი ქალაქის, ქვეყნის მომავალი; სიკეთე უნდა იყოს წამყვანი ფაქტორი ჩვენი შვილების აღზრდის საქმეში, რათა მათ შეძლონ, ღირსეულად ემსახურონ საკუთარ სამშობლოს. სწორედ ამიტომ, წლევანდელი საახალწლო სლოგანი იქნება - „სიკეთით სავსე ქალაქი“, - აღნიშნა თბილისის მერმა.ამასთან, კახა კალაძემ მომავალ წელს მოსახლეობას სიკეთე, სულიერი სიმშვიდე და თავისუფალ ქვეყანაში ცხოვრება უსურვა.„ჩვენი, ყველას საახალწლო სურვილიც იქნება მეტი სიკეთე, სიყვარული და პატივისცემა სუფევდეს ჩვენს ყოველდღიურობაში, რადგან არავის სიამოვნებს ის გარემო და მდგომარეობა, რომელშიც დღეს საზოგადოება იმყოფება. დაიღალა მოსახლეობა დაძაბულობით, შეურაცხყოფით, ლანძღვით, ერთმანეთისგან გარიყვით. მესმის, რომ შეიძლება გვქონდეს განსხვავებული შეხედულებები, თუნდაც პოლიტიკური, მაგრამ ეს ყველაფერი უნდა იყოს ცივილური და არ უნდა ძაბავდეს საზოგადოებას. ყველას გისურვებთ სიკეთეს, სულიერ სიმშვიდეს და ძლიერ, ღირსეულ, თავისუფალ ქვეყანაში ცხოვრებას! სიკეთე, სიყვარული და დოვლათი იყოს ჩვენი ოჯახების თანმდევი“, - განაცხადა დედაქალაქის მერმა.

საზოგადოებრივი კვების ობიექტებში ხშირად გამოიყენება ფრიტურული ცხიმი/ზეთი კარტოფილის (ე.წ. ფრი), ფრინველის ხორცის, ცომეულის და სხვა პროდუქტების შესაწვავად.სურსათის ეროვნული სააგენტო საზოგადოებრივი კვების ობიექტებში ფრიტურული ცხიმი/ზეთის ტემპერატურას, უვნებლობასა და ხარისხს სპეციალური მოწყობილობით (VITO ზეთის ტესტერი) რეგულარულად აკონტროლებს. მთელი ქვეყნის მასშტაბით მოწმდება მსხვილი და მცირე ობიექტები. ამ დროისთვის შემოწმებულ ობიექტებში დარღვევები არ გამოვლენილა.სურსათის ეროვნული სააგენტო რეკომენდაციას აძლევს ბიზნესოპერატორებს, მუდმივად განახორციელონ შიდა კონტროლი. იმ შემთხვევაში, თუ მაჩვენებელი ნორმას აღემატება, ობიექტი ვალდებულია ზეთი დაუყოვნებლივ გამოცვალოს.მაღალი ტემპერატურის შედეგად, დროთა განმავლობაში ზეთში გროვდება ისეთი ნაერთები, რომლებიც ჯანმრთელობისთვის სახიფათოა.ამავდროულად, მნიშვნელოვანია გამოყენებული ზეთის ნარჩენების სწორად მართვა, რომელიც შესაბამისი კანონმდებლობით რეგულირდება (დადგენილება N 605). დაუშვებელია გამოყენებული ცხიმის/ზეთის ნიჟარაში ან გარემოში დაღვრა, რადგან იწვევს ეკოლოგიურ დაბინძურებას, ამავდროულად, აზიანებს მილებს. კანონმდებლობის თანახმად, სავალდებულოა გამოყენებული ცხიმის/ზეთის შეგროვება და სპეციალიზებული კომპანიებისთვის გადაცემა, რომლებიც უზრუნველყოფენ აღნიშნული ნარჩენის გადამუშავებას.სურსათის ეროვნული სააგენტო მოუწოდებს მომხმარებლებს, რომ დარღვევის აღმოჩენის შემთხვევაში, ინფორმაცია დატოვონ ცხელ ხაზზე - 1️5-01. სამომხმარებლო ბაზრის ერთობლივი მონიტორინგი და მოსახლეობის აქტიური ჩართულობა სურსათის ეროვნულ სააგენტოს საშუალებას მისცემს, დროულად გამოავლინოს და აღმოფხვრას შეუსაბამობები.ინფორმციას სურსათის ეროვნული სააგენტო ავრცელებს.

კიდევ უფრო ინტენსიურად უნდა წარიმართოს ყველა პედაგოგის გადამზადება იმისთვის, რომ მათ ადრეულ ეტაპზევე შეძლონ, გამოავლინონ ბულინგის კონკრეტული მაგალითები და მოახდინონ შესაბამისი რეაგირება,- ამის შესახებ განათლების მინისტრმა გივი მიქანაძემ განათლების რეფორმის პრეზენტაციისას აღნიშნა.მისი თქმით, ბულინგი კვლავ ერთ-ერთ გამოწვევად რჩება და შესაბამისად საჭიროა კამპანიური ხასიათი ჰქონდეს შემეცნებით აქტივობებს, რომლებიც მოსწავლეებს შორის უნდა ჩატარდეს.„ბულინგის კომპონენტი კვლავაც ერთ-ერთ გამოწვევად რჩება. ამ კუთხით ჩვენ არაერთ ნაბიჯს ვდგამთ, თუმცა, ვფიქრობთ, რომ კიდევ უფრო მეტი კამპანიური ხასიათი უნდა მივცეთ შემეცნებით აქტივობებს, რომლებიც მოსწავლეებს შორის უნდა ჩატარდეს და ამავდროულად, კიდევ უფრო ინტენსიურად უნდა წარიმართოს ყველა პედაგოგის გადამზადება იმისთვის, რომ მათ ადრეულ ეტაპზევე შეძლონ, გამოავლინონ ბულინგის კონკრეტული მაგალითები და მოახდინონ შესაბამისი რეაგირება. ამასთან, ჩვენი მიზანია, რომ ამ კონცეფციის განხორციელების პარალელურად, ყველა სკოლა საქართველოს მასშტაბით უზრუნველყოფილი იყოს მანდატურის, ფსიქოლოგისა და სოციალური მუშაკების სერვისებით, იმიტომ, რომ ეს მზარდია, ეს საჭიროა და მათი ჩართულობა უდიდეს ეფექტიანობას გვაძლევს“, - განაცხადა მიქანაძემ.

შემდეგი სასწავლო წლიდან ტესტურ რეჟიმში, ყველა საჯარო სკოლაში პირველიდან მეექვსე კლასის ჩათვლით სავალდებულოდ ბრუნდება სასკოლო ფორმები, - განაცხადა განათლების მინისტრმა, გივი მიქანაძემ ზოგადი განათლების რეფორმის პრეზენტაციისა.მისივე თქმით, სოციალურად დაუცველი ოჯახები ფორმებთან დაკავშირებით სახელმწიფო მხარდაჭერას მიიღებენ„მივიღეთ გადაწყვეტილება, რომ ტესტურ რეჟიმში შემდეგი სასწავლო წლიდან ყველა საჯარო სკოლაში პირველიდან მე-6 კლასის ჩათვლით დაწყებით ეტაპზე სავალდებულოდ ბრუნდება სასკოლო ფორმები. ამასთანავე, ვითვალისწინებთ სოციალურ დაუცველ ოჯახებს. ყველა ის ოჯახი, რომელიც ჯანდაცვის სამინისტროს მიერ არის შეფასებული 60 000 ქულით ან ნაკლებით, სახელმწიფოს მხრიდან შესაბამის მხარდაჭერას მიიღებს ფორმებთან დაკავშირებით“, – განაცხადა მიქანაძემ.

მივიღეთ გადაწყვეტილება, რომ შემდეგი წლიდან, სკოლაში შესვლის შესაძლებლობა შეეძლება მხოლოდ იმ ბავშვებს, რომლებსაც 6 წელი 15 სექტემბრის ჩათვლით შეუსრულდება, - ამის შესახებ განათლების მინისტრმა, გივი მიქანაძემ ზოგადი განათლების რეფორმის ეროვნული კონცეფციის პრეზენტაციაზე განაცხადა.მისივე თქმით, გამოვლინდა, რომ 6 წლამდე ასაკის ბავშვებს სასწავლო პროცესში სრული ინტეგრირება უჭირთ.„გამოვლინდა, რომ 6 წლამდე ასაკის ბავშვებს, რომლებიც სკოლაში შედიან, უჭირთ სოციალურ-ემოციური ფონიდან და მზაობიდან გამომდინარე სასწავლო პროცესში სრული ინტეგრირება. ამიტომ ჩვენი მიზნებიდან და იქიდან გამომდინარე, რომ 11-წლიან სასწავლო პროცესზე გადავდივართ, მივიღეთ გადაწყვეტილება, რომ შემდეგი წლიდან, ყოველ მომდევნო წელს, სკოლაში შესვლის შესაძლებლობა შეეძლება მხოლოდ იმ ბავშვებს, რომლებსაც ყოველი წლის 15 სექტემბრის ჩათვლით შეუსრულდება 6 წელი,“ - განაცხადა მიქანაძემ.

გარემოს ეროვნული სააგენტოს განცხადებით, დღევანდელი მაჩვენებლებით, ატმოსფერულ ჰაერში მტვრის მყარი ნაწილაკების კლების ტენდენცია დაფიქსირდა, რაც მეტეოროლოგიურმა პროცესებმა განაპირობა.მათივე ცნობით, პირველ დეკემბერს, დღის მეორე ნახევრიდან დასავლეთ საქართველოს უმეტეს და აღმოსავლეთ საქართველოს ზოგიერთ რაიონში დაფიქსირდა ნალექი - წვიმის სახით. წვიმასთან ერთად, საქართველოს ტერიტორიაზე ზოგან, მათ შორის დედაქალაქში, დაფიქსირდა დასავლეთის მიმართულების ზომიერი ქარი.„აღსანიშნავია, რომ ბოლო რამდენიმე დღის განმავლობაში საქართველოს ზოგიერთ ტერიტორიაზე სამხრეთიდან და სამხრეთ-აღმოსავლეთიდან უდაბნოს მტვრის მასების გავრცელებამ ატმოსფერულ ჰაერში მტვრის მყარი ნაწილაკების კონცენტრაციის მატება განაპირობა.უდაბნოს მტვრის მასების გავრცელება საქართველოს ტერიტორიაზე წლის განმავლობაში პერიოდულად ფიქსირდება. სიტუაციის გაუმჯობესება დამოკიდებულია შესაბამისი მეტეოროლოგიური პროცესების - წვიმა, თოვლი, ქარი - განვითარებაზე.საქართველოს ტერიტორიაზე ატმოსფერულ ჰაერში უდაბნოს მტვრის მასების გავრცელებასთან დაკავშირებით ინფორმაციას გარემოს ეროვნული სააგენტო მსოფლიო მეტეოროლოგიური ორგანიზაციის, მტვრის პროგნოსტიკული ცენტრების და ეროვნული ჰიდრომეტეოროლოგიური დეპარტამენტის მონაცემებზე დაყრდნობით ავრცელებს.ატმოსფერული ჰაერის ხარისხის უწყვეტ მონიტორინგს გარემოს ეროვნული სააგენტო ავტომატური სადგურების საშუალებით ახორციელებს.ჰაერის ხარისხის მდგომარეობის შესახებ ნებისმიერ დაინტერესებულ პირს შესაძლებლობა აქვს ინფორმაციას გაეცნოს ატმოსფერული ჰაერის ხარისხის პორტალზე https://air.gov.ge/,“ - აღნიშნულია ინფორმაციაში.

ხობის მუნიციპალიტეტის სოფელ ხეთაში გაჩენილ ხანძარს 80 წლამდე კაცი ემსხვერპლა. არსებული ინფორმაციით, ხის საცხოვრებელ სახლს ცეცხლი გვიან ღამით გაუჩნდა. მეზობლების თქმით, კაცი მარტო ცხოვრობდა. შემთხვევის ადგილზე ორი სახანძრო-სამაშველო ბრიგადა მუშაობდა. მობილიზებული იყო პოლიცია.ხანძრის გაჩენის მიზეზი ჯერჯერობით უცნობია.